How to Place After Market Order

Aaj ke iss video mein hum janenge AMO ke baare mein aur dekhenge ki mStock par AMO kaise place karte hain?

AMO matlab After Market Order, jiske dwaara aap market timings samapt hone ke baad agle trading session ke liye order place kar sakte hain.

Agle trading day par, theek subah 9 (nau) baje, yeh AMO order aapke nirdharit mulya par execute ho jaata hai.

AMO ke mukhya do fayde hain.

Pehla faayda unn grahako ke liye hai jinhone apne agle trading session ki strategy bana li hai, woh advance mein order request daal sakte hain.

Aur doosra fayda yeh hai ki aapko nirdharit samay par, upasthit rehne ki jaroorat nahin hai. Aapka AMO automatically system dwaara agle trading session ke shuru hote hi, place ho jaata hai.

AMO request place karne ke kuch nirdharit samay hote hain.

NSE aur BSE Equity ke AMO requests aap shaam ke 4:05 (chaar bajkar paanch minute) se leke agle din subah 8:58 (aath bajkar atthanve minute) tak place kar sakte hain.

Futures aur Options ke AMO requests aap dupahar ke 3:31 (teen bajkar ikkattees minute) se agle din subah 8:58 (aath bajkar atthanve minute) tak place kar sakte hain.

Currencies ke AMO requests aap shaam ke 5:01 (paanch bajkar ek minute) se agle din subah 8:58 (aath bajkar atthanve minute) tak place kar sakte hain.

Ab dekhte hain ki AMO request kaise place karte hain?

Sabse pehle aap mStock app ya website par login karein.

Phir chune hue stock ke page par 'Buy' ya ‘Sell’ par tap karein.

Uske baad, Quantity aur Price enter karke "Show more" par tap karein.

Phir, 'Advanced' tab ke andar 'After Market' ke button par tap karein.

Ant mein saari jaankari fill karne ke baad "Buy" ya “Sell” button par tap karne se aapka AMO request place ho jayega.

Dhyan rakhein, aap Cover Order ke liye AMO place nahin kar sakte hain.

AMO request place hote hi aapko woh Orders page ke "Pending" tab ke andar dikhayi dega.

Aur jaise hi agle trading din pe, aapka AMO execute ho jaata hai, woh aapko Orders page ke “Executed” tab ke andar dikhega.

Toh iss tarah, aap bahut hi aasaan tareeke se AMO place kar sakte hain.

Agar aapko yeh video acchi lagi ho toh like aur share zaroor kijiye. Aur aise hi adheek jaankaari ke liye, humaare Youtube channel ko subscribe zaroor kijiye.